May 21, 2024

ଜାତୀୟ ସିନିୟର ମହିଳା ଫୁଟବଲ ଚମ୍ପିଆନସିପ୍‌, ବାଜିମାରିନେଲା ଓଡ଼ିଶା

1 min read

କଟକ : କଲକାତାରେ ଚାଲିଥିବା ୨୮ତମ ଜାତୀୟ ସିନିୟର ମହିଳା ଫୁଟବଲ ଚମ୍ପିଆନସିପ୍‌ ରାଜମାତା ଜିଜାବାଈ ଟ୍ରଫି -୨୦୨୩-୨୪ ଫାଇନାଲ ରାଉଣ୍ଡରେ ଓଡ଼ିଶା ପ୍ରଥମ ବିଜୟ ହାସଲ କରିଛି। ଶନିବାର ଖେଳାଯାଇଥିବା ମ୍ୟାଚରେ ଓଡ଼ିଶା ୪-୧ ଗୋଲରେ ମହାରାଷ୍ଟ୍ରକୁ ପରାସ୍ତ କରିଛି। ୨୫ ମିନିଟ୍‌ରେ ମହାରାଷ୍ଟ୍ରକୁ ଏକ ପେନାଲ୍ଟି ମିଳିଥିଲା। ଏହାକୁ ଐଶର୍ଯ୍ୟା ଜଗତପ ଗୋଲରେ ପରିଣତ କରିଥିଲେ। ପ୍ରଥମାର୍ଦ୍ଧ ସୁଦ୍ଧା ମହାରାଷ୍ଟ୍ର ୧-୦ ଗୋଲରେ ଆଗୁଆ ରହିଥିଲା। ଦ୍ବିତୀୟାର୍ଦ୍ଧରେ ଓଡ଼ିଶା ଚମତ୍କାର ପ୍ରତ୍ୟାବର୍ତ୍ତନ କରିଥିଲା।

୫୨ ମିନିଟ୍‌ରେ ଏସ ଲିଣ୍ଡା କମ୍‌ ଗୋଲ ଦେଇ ମ୍ୟାଚକୁ ୧-୧ ବରାବର କରିିଥିଲେ। ୮୧ ମିନିଟ୍‌ରେ ଓଡ଼ିଶା ପକ୍ଷରୁ ଜୁଲି କିଷାନ ଦ୍ବିତୀୟ ଗୋଲ ଦେଇଥିଲେ। ମାଳତୀ ମୁଣ୍ଡା ୮୨ ମିନିଟ୍‌ରେ ୩ୟ ଓ ୮୪ ମିନିଟ୍‌ରେ ୪ର୍ଥ ଗୋଲ ଦେଇ ଓଡ଼ିଶାକୁ ୪-୧ ଗୋଲରେ ବିଜୟୀ କରାଇଥିଲେ। ଓଡ଼ିଶା ପ୍ରଥମ ମ୍ୟାଚ ହରିୟାଣା ସହ ୧-୧ ଗୋଲ ବରାବର ରଖିଥିଲା।

Leave a Reply

Your email address will not be published. Required fields are marked *