July 22, 2024

ଲଦାଖରେ ସେନା ଟ୍ୟାଙ୍କ୍‍ ଅଭ୍ୟାସ ବେଳେ ବଡ ଅଘଟଣ

1 min read

ଲଦାଖ: ଲଦାଖରେ ସେନା ଟ୍ୟାଙ୍କ୍‍ ଅଭ୍ୟାସ ବେଳେ ବଡ ଅଘଟଣ । ନଦୀ ପାର ବେଳେ ଦୌଲତ ବାଗ୍‍ ଓଲ୍ଡି ଅଞ୍ଚଳରେ ଟ୍ୟାଙ୍କ୍‍ ଭାସିଯିବାରୁ ବଡ ଅଘଟଣ ଘଟିଛି । ଶୁକ୍ରବାର ଦିନ ଏଠାରେ ସେନା ଟ୍ୟାଙ୍କ୍‍ ଅଭ୍ୟାସ ଚାଲିଥିବାବେଳେ ଯବାନମାନେ ନଦୀ ପାର ବେଳେ ଜଳସ୍ତର ବଢିଥିଲା । ଫଳରେ ନଦୀ ପାଣିରେ ୪-୫ଜଣ ଯବାନ ଭାସି ଯାଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।


ନୂଆଦିଲ୍ଲୀ,୨୯।୬: କେନ୍ଦ୍ରଶାସିତ ଅଞ୍ଚଳ ଲଦାଖରେ ଭାରତୀୟ ଯବାନମାନଙ୍କ ସହ ଏକ ବଡ଼ ଦୁର୍ଘଟଣା ଘଟିଛି। ଯବାନମାନେ ଲଦାଖର ଦୌଲତ ବେଗ ଓଲଡି ଅଞ୍ଚଳରେ ନଦୀ ପାର ହୋଇ ଅଭ୍ୟାସ କରୁଥିଲେ। ଏହି ସମୟରେ ହଠାତ ନଦୀର ଜଳ ସ୍ତର ବଢି ଯାଇଥିଲା। ଯେଉଁଥିରେ ୫ଜଣ ଯବାନଙ୍କ ମୃତ୍ୟୁ ହୋଇଛି।

ଏହି ଦୁର୍ଘଟଣା ଚୀନ ସୀମା ନିକଟରେ ଥିବା ଲାଇନ ଅଫ ଆକ୍‌ଚୁଆଲ କଣ୍ଟ୍ରୋଲ (LAC) ରେ ଘଟିଛି। ଏଠାରେ ଭାରତୀୟ ଯବାନଙ୍କ ସୈନ୍ୟ ଶିବିର ରହିଛି। ନ୍ୟୁଜ ଏଜେନ୍ସି ପିଟିଆଇ ଅନୁଯାୟୀ, ଟ୍ୟାଙ୍କର୍‌ରେ ଯୁଦ୍ଧଭ୍ୟାସ କରୁଥିବା ସମୟରେ ଏଲଏସି ନିକଟରେ ଥିବା ନଦୀକୁ ଯବାନମାନେ ପାର୍‌ କରୁଥିଲେ। ଏହି ସମୟରେ ନଦୀର ଜଳସ୍ତର ହଠାତ୍‌ ବଢି ଯାଇଥିଲା। ଆଉ ୫ଜଣ ଯବାନ ଭାସି ଯାଇଥିଲେ।

ANI ସହ କଥାବାର୍ତ୍ତା କରି ପ୍ରତିରକ୍ଷା ଅଧିକାରୀ କହିଛନ୍ତି, ଦୁର୍ଘଟଣା ସମୟରେ ଟ୍ୟାଙ୍କର୍‌ରେ ପାଞ୍ଚ ଜଣ ଯବାନ ଉପସ୍ଥିତ ଥିଲେ। ଏଥିରେ ଜଣେ JCO ଏବଂ ଚାରିଜଣ ଯବାନ ଥିଲେ। ଗୋଟିଏ ଯବାନଙ୍କ ସନ୍ଧାନ ମିଳିଥିବାବେଳେ ଆଉ ୪ଜଣଙ୍କ ସନ୍ଧାନ ଜାରି ରହିଛି।

Leave a Reply

Your email address will not be published. Required fields are marked *