କୁଣ୍ଡୁକେଲା ରାସ୍ତାରେ ଟ୍ରେଲର ଓ ପିକଅପ୍ ଭ୍ୟାନ ଧକ୍କା, ଚାରି ଆହତ

ସୁନ୍ଦରଗଡ଼: ଆଜି ସକାଳ ୯ଟାରେ ବିଜୁ ଏକ୍ସପ୍ରେସ ୱେ ବଡ଼ବାହାଲ- କୁଣ୍ଡୁକେଲା ରାସ୍ତାରେ ଘଟିଛି ଦୁର୍ଘଟଣା । କୁଣ୍ଡୁକେଲା ପଟୁ ଭେଡ଼ାବାହାଲ ଅଭିମୁଖେ ଆସୁଥିବା ପିକଅପ୍ ଭ୍ୟାନକୁ ପଛପଟୁ ଜୋରରେ ଧକ୍କା ଦେଇଛି ଏକ ଟ୍ରେଲର। ଧକ୍କାରେ ପିକଅପ୍ ଭ୍ୟାନ ଓଲଟି ପଡ଼ିବାରୁ ଚାଳକଙ୍କ ସମେତ ୪ ଜଣ ଆହତ ହୋଇଛନ୍ତି।
ଖବର ପାଇ ଏଲ୍ ଆଣ୍ଡ ଟି ଉଦ୍ଧାରକାରୀ ଦଳ ସମସ୍ତ ଆହତଙ୍କୁ ସୁନ୍ଦରଗଡ଼ ବଡ଼ ଡାକ୍ତରଖାନା ପଠାଇବା ସହ ଭଷ୍ମା ପୁଲିସକୁ ସୂଚନା ଦେଇଥିଲେ। ତେବେ ଦୁର୍ଘଟଣା ପରେ ଆକ୍ରମଣ ଭୟରେ ଟ୍ରେଲର୍ ଚାଳକ ଗାଡ଼ି ଛାଡ଼ି ଜଙ୍ଗଲ ଦେଇ ଫେରାର ହୋଇଯାଇଥିବା ସୂଚନା ମିଳିଛି। ଭଷ୍ମା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।