ଗୁରୁବାରରେ ନୋଏଲ୍ ଟାଟାଙ୍କ ଭାଗ୍ୟ ପରୀକ୍ଷା
1 min read
ମୁମ୍ବାଇ : ଗୁରୁବାରେ ଟାଟା ସନ୍ସ ପ୍ରାଇଭେଟ୍ ଲିମିଟେଡ୍ ପକ୍ଷରୁ ନୋଏଲ୍ ଟାଟାଙ୍କୁ ଏହାର ବୋର୍ଡରେ ନିଯୁକ୍ତିକୁ ନେଇ ଅଂଶଧନଧାରୀଙ୍କର ମତ ନିଆଯିବ ।୧୩,୧୧୧,୮୮୮ କୋଟି ଟଙ୍କାର ଟାଟା ଗ୍ରୁପର ଏହି ହୋଲ୍ଡିଂ କମ୍ପାନୀର ବାର୍ଷିକ ସାଧାରଣ ବୈଠକରେ ଅଶଂଧନଧାରୀ ମାନେ ମତଦାନ କରିବେ । ଏହା ଟାଟା ଗ୍ରୁପର ୧୦୭ ତମ ବାର୍ଷିକ ସାଧାରଣ ବୈଠକ ।
୨୦୨୪ ମସିହା ଅକ୍ଟୋବର ମାସରେ ନୋଏଲ୍ ଟାଟା , ଟାଟା ଟ୍ରଷ୍ଟର ଅଧ୍ୟକ୍ଷ ଭାବେ ନିଯୁକ୍ତି ପାଇଥିଲେ । ଏହାପରେ ଟାଟା ସନ୍ସର ବୋର୍ଡକୁ ତାଙ୍କୁ ଚୟନ କରାଯାଇଥିଲା ।ଟାଟା ସନ୍ସରେ ତାଙ୍କୁ ଅତିରିକ୍ତ ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଥିଲା । ଟାଟା ସନ୍ସର ଅଂଶଧନଧାରୀମାନେ ମଧ୍ୟ ବେଣୁ ଶ୍ରୀନିବାସ ଏବଂ ସୌରଭ ଅଗ୍ରଓ୍ୱାଲଙ୍କର ନିର୍ଦେଶକ ଭାବେ ପୁନଃ ନିଯୁକ୍ତିକୁ ମଞ୍ଜୁରୀ ଦେବାର କାର୍ଯ୍ୟକ୍ରମ ରହିଛି । ଏହା ସହ ଅନିତା ଜର୍ଜଙ୍କୁ ସ୍ୱାଧୀନ ନିର୍ଦେଶକ ଭାବେ ମଞ୍ଜୁରୀ ବିଷୟରେ ବାର୍ଷିକ ସାଧାରଣ ବୈଠକରେ ଅଂଶଧନଧାରୀଙ୍କର ମତ ନିଆଯିବ । ଏହି ଅବସରରେ ଟାଟା ସନ୍ସର କାର୍ଯ୍ୟକାରୀ ଅଧ୍ୟକ୍ଷ ଅଂଶଧନଧାରୀଙ୍କୁ ସମ୍ବୋଧନ ଦେବେ ।
ଟାଟା ସନ୍ସର ଦୁଇ ଜଣ ନିର୍ଦେଶକ ଅଜୟ ପିରାମଲ୍ ଏବଂ ରାଲ୍ଫ ସ୍ପେଥ୍ କିଛି ମାସ ମଧ୍ୟରେ ଅବସର ନେବାର ଅଛି । ଏଥିପାଇଁ ଟାଟା ସନ୍ସ ଦୁଇ ଜଣ ନିର୍ଦେଶକଙ୍କୁ ବୋର୍ଡରେ ସାମିଲ କରିଛି ।
