May 21, 2024

୨ ଲକ୍ଷ କୋଟି ହରାଇଲେ ନିବେଶକ

1 min read

CREATOR: gd-jpeg v1.0 (using IJG JPEG v80), quality = 60

ମୁମ୍ବାଇ: ଗୁରୁବାର ଅପରାହ୍ନ ବାଣିଜ୍ୟ ସେସନ୍‌ରେ ଉଭୟ ସେନସେକ୍ସ ଏବଂ ନିଫ୍ଟି ହ୍ରାସ ପାଇବାରୁ ନିବେଶକମାନେ 2 ଲକ୍ଷ କୋଟିରୁ ଅଧିକ ଟଙ୍କା କ୍ଷ୍ୟତି ସହିଛନ୍ତି। ମାର୍କେଟ୍‌ କ୍ୟାପ୍‌ ୨.୧୯ ଲକ୍ଷ କୋଟି ଟଙ୍କା ହ୍ରାସ ପାଇ ୩୯୮,୫୦ ଲକ୍ଷ କୋଟି ଟଙ୍କାକୁ ହ୍ରାସ ପାଇଛି। ବିଶ୍ବବଜାରରେ ପ୍ରଭାବ ଭାରତୀୟ ଷ୍ଟକ ବଜାରରେ ଦେଖିବାକୁ ମିଳୁଛି। ବଜାରରେ ଲଗାତାର ବିକ୍ରି ହେଉଛି। ଗୁରୁବାର ଲଗାତାର ତୃତୀୟ ଦିନ ପାଇଁ ବଜାରରେ ହ୍ରାସ ଜାରି ରହିଛି। ବିଏସ୍ଇ ସେନସେକ୍ସ ୧୦୬୨.୨୨ ପଏଣ୍ଟ ହ୍ରାସ ପାଇ ୭୨,୪୦୪.୧୭ରେ ବନ୍ଦ ହୋଇଛି। ସେହିପରି ଏନ୍ ଏସଇ ନିଫ୍ଟି ୩୩୫.୪୦ ପଏଣ୍ଟ ହ୍ରାସ ପାଇ ୨୧,୯୬୭.୧୦ରେ ପହଞ୍ଚିଛି। ବଜାରରେ କେବଳ ଅଟୋ ସେୟାର ବୃଦ୍ଧି ପାଇଛି।

ଅନେକ ଶେୟାର ଏହି ହ୍ରାସରେ ସହଯୋଗ କରିଥିଲେ। L&T, ITC, JSW ଷ୍ଟିଲ, ବଜାଜ ଆଲିଆନ୍ସ, ଇଣ୍ଡସ ଇଣ୍ଡିଆ ବ୍ୟାଙ୍କ ଏବଂ ରିଲାଏନ୍ସ ଭଳି କମ୍ପାନୀଗୁଡିକ ସେନ୍ସେକ୍ସରେ କ୍ଷ୍ୟତି ସହିବା ସହିତ ୫% ପର୍ଯ୍ୟନ୍ତ ହ୍ରାସ ପାଇଥିଲା।ବିଦେଶୀ ସଂସ୍ଥାଗତ ନିବେଶକ କ୍ରମାଗତ ବିକ୍ରୟ ମଧ୍ୟରେ ସେନ୍ସେକ୍ସ ୬୦୦ ପଏଣ୍ଟ ହ୍ରାସ ପାଇ ୭୨,୮୬୬ ରେ ପହଞ୍ଚିଛି। ଅବଶ୍ୟ, କ୍ଷତିଗୁଡିକ କିଛି ମାତ୍ରାରେ ରହିଥିଲା କାରଣ ଅଟୋ ଷ୍ଟକ ହ୍ରାସକୁ ସୀମିତ କରିବାରେ ସଫଳ ହୋଇଥିଲା। ସେହିପରି, ନିଫ୍ଟି ମଧ୍ୟ ୧୮୦ ପଏଣ୍ଟ ହ୍ରାସ କରି ୨୨,୧୨୨ ରେ ପହଞ୍ଚିଛି, ଯାହା ଶେୟାର ବଜାରରେ ନିବେଶକଙ୍କ ମଧ୍ୟରେ ସାମଗ୍ରିକ ଦୁର୍ବଳ ଭାବନାକୁ ପ୍ରତିଫଳିତ କରିଛ।

ବଜାର ବିଶେଷଜ୍ଞଙ୍କ ମତରେ ବଜାର ହ୍ରାସ ପାଇବାର ଅନେକ କାରଣ ରହିଛି। ଏହାର ସବୁଠାରୁ ବଡ଼ କାରଣ ହେଉଛି ସାଧାରଣ ନିର୍ବାଚନ। ସାଧାରଣ ନିର୍ବାଚନକୁ ନେଇ ବଜାର ଚିନ୍ତାର ଶିକାର ହୋଇଛି। ଏହାବ୍ୟତୀତ ବିଦେଶୀ ନିବେଶକଙ୍କ ଦ୍ୱାରା ପ୍ରବଳ ବିକ୍ରି ହେଉଛି । ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ଟାଟା କନସଲଟାନ୍ସି ସର୍ଭିସେସ୍, ଏଚ୍ଡିଏଫ୍ସି ବ୍ୟାଙ୍କ ଭଳି ହେଭିୱେଟ୍ ଷ୍ଟକ ହ୍ରାସ ପାଉଛି। ଏହା ବ୍ୟତୀତ ଅଶୋଧିତ ତୈଳ ଦର ମଧ୍ୟ ବୃଦ୍ଧି ପାଇବାରେ ଲାଗିଛି । ଅନେକ କମ୍ପାନୀର ଫଳାଫଳ ଖରାପ ରହିଛି । ଏହି ସବୁ କାରଣ ବଜାରର ମୁଡ୍ ଖରାପ କରିଛି, ଯାହା ଫଳରେ ବିକ୍ରି ଆରମ୍ଭ ହୋଇଛି। ବିଶ୍ୱ ତୈଳ ବେଞ୍ଚମାର୍କ ବ୍ରେଣ୍ଟ ଅଶୋଧିତ ତୈଳ ଦର ବ୍ୟାରେଲ ପିଛା ୦.୪୩ ପ୍ରତିଶତ ବୃଦ୍ଧି ପାଇ ୮୩.୯୪ ଡଲାରରେ ପହଞ୍ଚିଛି

Leave a Reply

Your email address will not be published. Required fields are marked *