June 16, 2024

ଅନ୍ତିମ ରାଲିରେ ମୋଦୀ ଦେଲେ ଏପରି ପ୍ରତିଶୃତି

1 min read

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଞ୍ଜାବ ହୋସିୟାରପୁରରେ ଆଜି ଲୋକସଭା ନିର୍ବାଚନ ୨୦୨୪ର ଶେଷ ର‌୍ୟାଲିକୁ ସମ୍ବୋଧିତ କରିଛନ୍ତି । ଏହି ର‌୍ୟାଲିରେ ସେ ଭ୍ରଷ୍ଟାଚାରର ଜନନୀ କହି କଂଗ୍ରେସକୁ ଟାର୍ଗେଟ୍ କରିଛନ୍ତି । ସେ କହିଛନ୍ତି କଂଗ୍ରେସ ଭ୍ରଷ୍ଟାଚାରରେ ଡବଲ ପିଏଚଡି କରିଛି । ସେ ଆମ ଆଦମୀ ପାର୍ଟିକୁ ବି ଛାଡି ନାହାନ୍ତି । ମୋଦୀ କହିଛନ୍ତି ଏବେ କଂଗ୍ରେସ ସହିତ ଆଉ ଏକ କଟ୍ଟର ଭ୍ରଷ୍ଟାଚାରୀ ଦଳ ଯୋଡି ହୋଇଯାଇଛି । ଏହା ବ୍ୟତିତ ମୋଦୀ ୧୨୫ ଦିନର ଏଜେଣ୍ଡା ବି ଉପସ୍ଥାପନ କରିଛନ୍ତି ।

କଂଗ୍ରେସ-ଆପ୍ ମେଣ୍ଟ ଉପରେ ଆକ୍ରମଣ କରି ମୋଦୀ କହିଛନ୍ତି ମିଥ୍ୟାବାଦୀ ପାର୍ଟିର ପ୍ରଥମ ସରକାର କଂଗ୍ରେସ ସମର୍ଥନରେ ଦିଲ୍ଲୀରେ ତିଆରି ହୋଇଥିଲା । ଏଥିପାଇଁ ଆପ୍ ଭ୍ରଷ୍ଟାଚାରର ଜନନୀ କଂଗ୍ରେସ ଠାରୁ ଭ୍ରଷ୍ଟାଚାରର ପାଠ ପୁରା ଶିଖିଯାଇଛି । ଏମାନେ କହୁଛନ୍ତି କି ପଞ୍ଜାବକୁ ନିଶାମୁକ୍ତ କରିବେ । କିନ୍ତୁ ଏମାନେ ତ ନିଶାକୁ ରୋଜଗାରର ସାଧନ କରିଦେଇଛନ୍ତି । ଦିଲ୍ଲୀର ମଦ ଦୁର୍ନିତୀ ମାମଲା ବିଷୟରେ ଏବେ ପୁରା ବିଶ୍ୱ ଅବଗତ ।

ମୋଦୀ କହିଛନ୍ତି ନିର୍ବାଚନ ସମୟର ଏହି ବ୍ୟସ୍ତତା ଭିତରେ ବି ଆମ ସରକାର ଗୋଟିଏ ମୁହୂର୍ତ୍ତ ବି ବ୍ୟର୍ଥ ହେବାକୁ ଦେଇନାହିଁ । ସରକାର ଗଠନ ହେବାର ଆଗାମୀ ୧୨୫ ଦିନ ଭିତରେ କ’ଣ ହେବ, ସରକାର କ’ଣ କରିବେ, ସରକାର କାହା ପାଇଁ କରିବେ, କେଉଁ ସମୟ ପର୍ଯ୍ୟନ୍ତ କରିବେ ଏହାର ରୋଡ୍ ମ୍ୟାପ୍ ଉପରେ କାମ କରିସାରିଛନ୍ତି । ଏଥିରେ ୨୫ ଦିନ ବିଶେଷ ଭାବରେ ଯୁବଗୋଷ୍ଠୀଙ୍କ ଲାଗି କେନ୍ଦ୍ରିତ କରାଯାଇଛି । ଆଗାମୀ ୫ ବର୍ଷରେ କ’ଣ ବଡ ନିର୍ଣ୍ଣୟ ନିଆଯିବ ଏହାର ରୂପରେଖ ବି ପ୍ରସ୍ତୁତ କରାଯାଇଛି ।

Leave a Reply

Your email address will not be published. Required fields are marked *