ଲିଙ୍ଗରାଜଙ୍କ ରଥଦାଣ୍ଡ କଥା ବୁଝିବାକୁ ଯେମିତି କେହି ନାହାନ୍ତି

ଭୁବନେଶ୍ବର: ଲିଙ୍ଗରାଜଙ୍କ ରଥଦାଣ୍ଡ କଥା ବୁଝିବାକୁ ଯେମିତି କେହି ନାହାନ୍ତି। କେବଳ ରଥ ଯାତ୍ରା ବେଳେ ଦୋକାନ ସାଇଡ୍‌ ହେଉଥିବା ବେଳେ ବର୍ଷତମାମ ଜବରଦଖଲ ଯୋଗୁ ନାହିଁ ନଥିବା ଭିଡ଼ ହେଉଛି। ଡ୍ରେନ୍‌ ସହିତ ୧୦ଫୁଟ୍‌ ରାସ୍ତା ଉପରକୁ ଜବର ଦଖଲ କରି ବେପାର କରୁଥିବାରୁ ପର୍ଯ୍ୟଟକ, ସ୍ଥାନୀୟ ବାସିନ୍ଦା ଓ ଲିଙ୍ଗରାଜ ମନ୍ଦିରକୁ ଆସୁଥିବା ଶ୍ରଦ୍ଧାଳୁ ବହୁ ପ୍ରକାର ସମସ୍ୟା ଭୋଗୁଛନ୍ତି।

ସେହିପରି ଉକ୍ତ ଡ୍ରେନ୍‌ ଜବର ଦଖଲ ଯୋଗୁ ସେଗୁଡ଼ିକ ସଫା ହୋଇପାରୁନାହିଁ। ଏନେଇ ଓଲ୍‌ଡଟାଉନ ବିକାଶ ପରିଷଦ, ଏଠାରେ ଭିଡ଼ ଅସମ୍ଭାଳ ହେଉଥିବା ଏବଂ କର୍ତ୍ତୃପକ୍ଷଙ୍କ ଦୃଷ୍ଟି ପଡ଼ୁନଥିବା କହିଛି। ପୂର୍ବ ସରକାର ଏକାମ୍ର ପ୍ରୋଜେକ୍ଟ ତାଲିକା ଅନୁଯାୟୀ ବିନ୍ଦୁସାଗର ରୋଡ଼୍‌ରୁ ବଢ଼େଇବାଙ୍କ ଛକ ପର୍ଯ୍ୟନ୍ତ ଭିଡ଼ ହେଉଥିବାରୁ ପର୍ଯ୍ୟଟକଙ୍କ ପାଇଁ କେବଳ ପାଦଚଲା ରାସ୍ତା ରଖିବାକୁ ‌ଯୋଜନା କରିଥିଲା। ହେଲେ ସରକାର ବଦଳିଲା ପରେ ଏହି ଅଞ୍ଚଳ ଏବେ ଅଣଦେଖା ହୋଇଯାଇଛି। ଏଠାରେ ଭିଡ଼କୁ ଅଣଦେଖା କରାଯାଉଛି।