ପେଟ୍ରୋଲ ପମ୍ପରେ ଭୟାବହ ଅଗ୍ନିକାଣ୍ଡ

ରାଜଗଡ଼: ମଧ୍ୟପ୍ରଦେଶର ରାଜଗଡ଼ ଜିଲ୍ଲାର ପାଚୋର ସହରର ଚୁନ୍ନାଲାଲ-ମୁନ୍ନାଲାଲ ଭାରତ ପେଟ୍ରୋଲ ପମ୍ପରେ ସୋମବାର ରାତିରେ ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା। ଏହି ଘଟଣାରେ ୧୨ ଜଣ ଆହତ ହୋଇଥିବା ବେଳେ ୧୨ଟି ମୋଟରସାଇକେଲ ଏବଂ ଏକ ପେଟ୍ରୋଲ ଟ୍ୟାଙ୍କର୍ ନଷ୍ଟ ହୋଇଯାଇଛି। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ। ପୁଲିସ ଘଟଣାର ତଦନ୍ତ କରୁଛି। ରାତି ପ୍ରାୟ ୮ଟା ୩୦ରେ ଏହି ଘଟଣା ଘଟିଥିଲା। ପମ୍ପରେ ଗାଡ଼ି ଭର୍ତ୍ତି ହେବା ପାଇଁ ଗାଡ଼ିର ଏକ ଲମ୍ବା ଧାଡ଼ି ଅପେକ୍ଷା କରିଥିଲା। ହଠାତ୍ ନିଆଁ ଲାଗିଗଲା। ନିଆଁ ଶୀଘ୍ର ବ୍ୟାପିଗଲା, କିଛି ମିନିଟ୍ ମଧ୍ୟରେ ଅନେକ ବାଇକ୍‌ ଜଳି ଯାଇଥିଲା।