ବାଲ୍ୟ ବିବାହମୁକ୍ତ ଭାରତ ସଚେତନତା ସାଇକେଲ ରାଲିି

ଦିଗପହଣ୍ଡି: ରାଜ୍ୟ ଆଇନସେବା ପ୍ରାଧିକରଣ କର୍ତ୍ତୃପକ୍ଷଙ୍କ ନିର୍ଦ୍ଦେଶ କ୍ରମେ ଗଞ୍ଜାମ ଜିଲା ଦିଗପହଣ୍ଡି କୋର୍ଟ ପରିସରରେ ଥିବା ତାଲୁକ ଆଇନ ସହାୟତା କମିଟି ପକ୍ଷରୁ ସୋମବାର ପବିତ୍ର ସାଧାରଣତନ୍ତ୍ର ଦିବସ ଅବସରରେ ବାଲ୍ୟ ବିବାହମୁକ୍ତ ଭାରତ ସଚେତନତା ସାଇକେଲ ରାଲିି ସହର ପରିକ୍ରମା କରିଥିଲା। ସିଭିଲ ଜଜ ସିନିୟର୍‌ ଡିଭିଜନ କୋର୍ଟର ମାଜିଷ୍ଟ୍ରେଟ ତଥା ଟିଏଲଏସସି ଅଧ୍ୟକ୍ଷା ମହାଶ୍ବେତା ପରିଜା ଏବଂ ଜେଏମଏଫସି କୋର୍ଟର ମାଜିଷ୍ଟ୍ରେଟ ନିଳିମା ଷଡଙ୍ଗୀ ଅତିଥି ଭାବେ ଯୋଗ ଦେଇ ସାଇକେଲ ରାଲିକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ। ତାଲୁକ ଆଇନ ସହାୟତା କମିଟି ସମ୍ପାଦକ ତଥା କୋର୍ଟ କର୍ମଚାରୀ ପ୍ରଦୀପ କୁମାର ପୁରୋହିତଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଖେମୁଣ୍ଡି କଲେଜର ବହୁ ସଂଖ୍ୟକ ଛାତ୍ରୀଛାତ୍ର,ଅଧ୍ୟାପକ ଓ କୋର୍ଟ କର୍ମଚାରୀ ପ୍ରଦୀପ କୁମାର ଶତପଥି, ଶିବରାମ ସାହୁ, ସଂଗ୍ରାମ କୁମାର ପଣ୍ଡା,ଅଶିନୀ କୁମାର ପଟ୍ଟନାୟକ,ପିଲଚୁ ହେମ୍ବ୍ରମ, ସସ୍ମିତା ମହାରଣା,ଅଞ୍ଜଳି ମହାରଣା, ପପୁନ ମହାରଣା,ରୁଦ୍ର ପ୍ରସାଦ ତାଣ୍ଡିଆ,ପୂର୍ଣ୍ଣ ଚନ୍ଦ୍ର ପାତ୍ର,କାଳିଆ ନାୟକ ପ୍ରମୁଖ ସାମିଲ ଥିଲେ।