‘ରାମାୟଣ’ର ଟିଜର ରିଲିଜ୍

ମୁମ୍ବାଇ: ପ୍ରତୀକ୍ଷିତ ଫିଲ୍ମ ‘ରାମାୟଣ’ର ଟିଜର ରିଲିଜ୍ ହୋଇସାରିଛି। ଏହାପରଠାରୁ ଫିଲ୍ମର ବଜେଟକୁ ନେଇ ସବୁଠି ଚର୍ଚ୍ଚା ଚାଲିଛି। ଏହା ଭାରତର ସବୁଠୁ ମହଙ୍ଗା ଫିଲ୍ମ ହୋଇପାରେ ବୋଲି କୁହାଯାଉଛି। ସିନେମାର ବଜେଟ ୪,୦୦୦ କୋଟି ଟଙ୍କା ଟପିପାରେ ବୋଲି ଏକ ପୋଡକାଷ୍ଟରେ କହିଛନ୍ତି ଫିଲ୍ମର ପ୍ରଯୋଜକ ନମିତ ମଲହୋତ୍ରା।

ତେବେ ‘ରାମାୟଣ’ ସିନେମାର ନିର୍ଦ୍ଦେଶନା ଦେଉଛନ୍ତି ନିତେଶ ତିୱାରୀ। ସିନେମାଟି ଦୁଇଟି ଭାଗରେ ନିର୍ମିତ ହେବାକୁ ଥିବାବେଳେ ଏଥିରେ ଅନେକ ଚର୍ଚ୍ଚିତ ଅଭିନେତା ଓ ଅଭିନେତ୍ରୀଙ୍କୁ ପରଦାରେ ଦେଖିବାକୁ ମିଳିବ।

ଶ୍ରୀରାମଙ୍କ ଭୂମିକାରେ ରଣବୀର କପୁର, ସୀତାଙ୍କ ଭୂମିକାରେ ସାଇ ପଲ୍ଲବୀ, ରାବଣ ଭୂମିକାରେ ୟଶ ଏବଂ ହନୁମାନଙ୍କ ଚରିତ୍ରରେ ସନି ଦେଓଲ ଦେଖାଦେବେ। ଅଭିନେତା ଅମିତାଭ ବଚ୍ଚନଙ୍କୁ ମଧ୍ୟ ଏହି ସିନେମାରେ ଦେଖିବାକୁ ମିଳିବ। ଏହି ଫିଲ୍ମର ପ୍ରଥମ ଭାଗ ୨୦୨୬ ଦୀପାବଳିରେ ଏବଂ ଦ୍ୱିତୀୟ ଭାଗ ୨୦୨୭ ଦୀପାବଳିରେ ରିଲିଜ୍ ହେବ ବୋଲି କୁହାଯାଉଛି।