ଡେରାବିଶ ଉଚ୍ଚ ବିଦ୍ୟାଳୟରେ ଆତ୍ମରକ୍ଷା ତାଲିମ ଶିବିର ଅନୁଷ୍ଠିତ

ଭୁବନେଶ୍ୱର,୦୯/୧(ନି.ପ୍ର) : ଡେରାବିଶ ବ୍ଲକ ଅନ୍ତର୍ଗତ ଡେରାବିଶ ଉଚ୍ଚ ମାଧ୍ୟମିକ ବିଦ୍ୟାଳୟରେ ସୋମବାର ଦିନ ବାଳିକା ଆତ୍ମରକ୍ଷା ତାଲିମ ଶିବିର ଅନୁଷ୍ଠିତ ହୋଇଯାଇଛି। l ରାଜନୀତି ବିଜ୍ଞାନର ପ୍ରଧ୍ୟାପକ ଶାନ୍ତନୁ କୁମାର ମାଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶିବିରରେ ମୂଖ୍ୟ ଅତିଥି ଭାବରେ ବୃନ୍ଦାବନ ଦାସ, ସମ୍ମାନିତ ଅତିଥି ଭାବରେ ରୁଦାଙ୍ଗି ପଟ୍ଟନାୟକ ଏବଂ ଶରତ ଚନ୍ଦ୍ର ପୃଷ୍ଟି ଯୋଗଦାନ କରି ଆତ୍ମରକ୍ଷା ତାଲିମର ଉଦେଶ୍ୟ ଏବଂ ଆବଶ୍ୟକତା ବିଷୟରେ ଆଲୋଚନା କରିଥିଲେ। କାର୍ଯ୍ୟକ୍ରମର ସଂଯୋଜିକା ଡଃ ପ୍ରଜ୍ଞା ପଟ୍ଟନାୟକ ବାଳିକାମାନେ ନିଜେ କିପରି ସାହାସୀ ହୋଇ ବିପଦର ମୁକାବିଲା କରିପାରିବେ ସେ ବିଷୟରେ ଆଲୋକପାତ କରିଥିଲେ। l ଏହି ଶିବିରରେ ପ୍ରଶିକ୍ଷିକା ବନ୍ୟା ବେହେରା ଏବଂ ସୌଦାମିନୀ ପାଗଳ ଉପସ୍ଥିତ ଥିଲେ। ଶେଷରେ ଅଧ୍ୟାପିକା ଶୁଭଶ୍ରୀ ବେହେରା ଧନ୍ୟବାଦ ଅର୍ପଣ କରିଥିଲେ।