କାରଖାନାରେ ଗ୍ୟାସ୍ ଲିକ୍ ପରେ ବଡ଼ଧରଣର ଅଘଟଣ, ୧୫ ଜଣଙ୍କ ମୃତ୍ୟୁ

ଇସଲାମାବାଦ: ପୁଣି ପାକିସ୍ତାନରେ ବିସ୍ଫୋରଣ । ଏକ କାରଖାନାରେ ଗ୍ୟାସ୍ ଲିକ୍ ହୋଇ ବଡ ଧରଣ ବିସ୍ଫୋରଣ ହୋଇଥିବା ସୂଚନା ମିଳିଛି । ବିସ୍ଫୋରଣରେ ପ୍ରାୟ ୧୫ ଜଣଙ୍କ ମୃତ୍ୟୁ ହୋଇଥିବା ପ୍ରାଥମିକ ସୂଚନା ମିଳିଛି ।

ସ୍ଥାନୀୟ ଆଞ୍ଚଳିକ ମିଡିଆର ଖବର ଅନୁସାରେ ପାକିସ୍ତାନର ଶିଳ୍ପ ହବ୍ ଭାବେ ପରିଚିତ ପଞ୍ଜାବର ଫୈସଲାବାଦରେ ଏକ ବଡ଼ ବିସ୍ଫୋରଣ ହୋଇଛି । ଯେଉଁଥିରେ ୧୫ ଜଣଙ୍କର ମୃତ୍ୟୁ ଘଟିଛି ଏବଂ ଅନେକ ଆହତ ହୋଇଛନ୍ତି । ପାକ୍ ମିଡିଆ ଡନ୍ ନ୍ୟୁଜ୍ ରିପୋର୍ଟ କରିଛି- ବିସ୍ଫୋରଣ ଏତେ ଭୟାନକ ଥିଲା ଯେ କୋଠା ଭୁଶୁଡ଼ି ପଡ଼ିଛି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି, ଉଦ୍ଧାର କାର୍ଯ୍ୟ ଜାରି ରହିଛି।