ଅଟୋ-ପିକଅପ୍ ଭ୍ୟାନ ମୁହାଁମୁହିଁ ଧକ୍କା

ନୟାଗଡ: ନୟାଗଡ଼ ଜିଲ୍ଲା ଶରଣକୁଳ ଥାନା ଦରପଦା ନିକଟରେ ଅଭାବନୀୟ ଘଟଣା ଘଟିଛି । ଅଟୋ-ପିକଅପ୍ ଭ୍ୟାନ ମୁହାଁମୁହିଁ ଧକ୍କା ହୋଇଛି । ଫଳରେ ଜଣେ କାଉଡିଆଙ୍କର ମୃତ୍ୟୁ ଘଟିଥିବାବେଳେ ୬ ଜଣ ଗୁରୁତର ହୋଇଥିବା ସୂଚନା ମିଳିଛି। ମୃତକ କଟରାଝରି ଗାଁର ପୂଜା ସ୍ବାଇଁ ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତକାଲି ଶ୍ରାବଣ ସୋମଥିବାରୁ କଣ୍ଟିଲୋ ମହାନଦୀ ଘାଟରୁ କାଉଡିଆମାନେ ପାଣି ଉଠାଇ ଆସୁଥିଲେ । ଚାଲି ନପାରିବାରୁ ୭ଜଣ କାଉଡିଆ ଅଟୋରେ ଯାଉଥିଲେ । ଏହି ସମୟରେ ଦରପଦା ନିକଟରେ ଦ୍ରୁତ ଗତିରେ ଆସୁଥିବା ଏକ ପିକଅପ୍ ଭ୍ୟାନ ଅଟୋକୁ ଧକ୍କା ଦେଇଥିଲା । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ ୬ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି