ଏସିଆ କପ ୨୦୨୫ ପୂର୍ବରୁ ଭାରତୀୟ କ୍ରିକେଟ ଦଳର ଉପ-ଅଧିନାୟକ ଶୁବମନ ଗିଲଙ୍କ ସ୍ବାାସ୍ଥ୍ୟାବସ୍ଥା ହଠାତ୍ ଖରାପ ହୋଇଇଚି
1 min read
ନୂଆଦିଲ୍ଳୀ: ଏସିଆ କପ ୨୦୨୫ ପୂର୍ବରୁ ଭାରତୀୟ କ୍ରିକେଟ ଦଳର ଉପ-ଅଧିନାୟକ ଶୁବମନ ଗିଲଙ୍କ ସ୍ବାାସ୍ଥ୍ୟାବସ୍ଥା ହଠାତ୍ ଖରାପ ହୋଇଇଚି। ତାଙ୍କୁ ଭାଇରାଲ ଜ୍ୱର ହୋଇଛି। ଏସିଆ କପ ୯ ସେପ୍ଟେମ୍ବରରୁ ୨୮ ସେପ୍ଟେମ୍ବର ପର୍ଯ୍ୟନ୍ତ UAEରେ ଖେଳାଯିବ। ଭାରତର ପ୍ରଥମ ମ୍ୟାଚ ସେପ୍ଟେମ୍ବର ୧୦ରେ UAE ସହିତ ଅଛି। ଏହା ପରେ ଭାରତ ସେପ୍ଟେମ୍ବର ୧୪ରେ ପାକିସ୍ତାନ ସହିତ ମୁକାବିଲା କରିବ। ତଥାପି, ଗିଲ ଏସିଆ କପ ପୂର୍ବରୁ ସୁସ୍ଥ ହୋଇଯିବେ ବୋଲି ଆଶା କରାଯାଉଛି।
ଭାଇରାଲ ଜ୍ୱର ହେବା ପରେ ଶୁବମନ ଗିଲ ଦୁଲୀପ ଟ୍ରଫିରୁ ବାହାର ହୋଇଛନ୍ତି। ଗିଲ ଦୁଲୀପ ଟ୍ରଫିରେ ନର୍ଥ ଜୋନ ଦଳର ଅଧିନାୟକ ହୋଇଥିଲେ। କିନ୍ତୁ ଜ୍ୱର ହେବା ପରେ ତାଙ୍କୁ ଟୁର୍ନାମେଣ୍ଟ ଛାଡିବାକୁ ପଡିଛି ଏବଂ ଏବେ ଅଙ୍କିତ କୁମାର ତାଙ୍କ ସ୍ଥାନରେ ଅଧିନାୟକ ହେବେ। ଗିଲ ଏବେ ସୁସ୍ଥ ହେଉଛନ୍ତି ଏବଂ ଶୀଘ୍ର ଅଭ୍ୟାସ ଆରମ୍ଭ କରିବେ। ତାଙ୍କ ରକ୍ତ ରିପୋର୍ଟରେ ମଧ୍ୟ କୌଣସି ବଡ଼ ସମସ୍ୟା ନାହିଁ।
ଗିଲ ଖୁବ ଶୀଘ୍ର ସମ୍ପୂର୍ଣ୍ଣ ସୁସ୍ଥ ହୋଇ ଅଭ୍ୟାସ ଆରମ୍ଭ କରିବେ, ତାଙ୍କୁ ଏସିଆ କପରେ ଭାରତୀୟ ଦଳର ଉପ-ଅଧିନାୟକ ଭାବରେ ମନୋନୀତ କରାଯାଇଛି। ଏସିଆ କପ ଟି-୨୦ ଫର୍ମାଟରେ ଖେଳାଯିବ। ବିସିସିଆଇ ଭବିଷ୍ୟତରେ ଗିଲଙ୍କୁ ଟି-୨୦ର ଅଧିନାୟକ ଦାୟିତ୍ୱ ମଧ୍ୟ ଦେଇପାରେ। ବର୍ତ୍ତମାନ ସୂର୍ଯ୍ୟକୁମାର ଯାଦବ ଦଳର ଅଧିନାୟକ ଅଛନ୍ତି।
