ଇରାନରେ ତାଣ୍ଡବ ରଚିବ ଆମେରିକା

ୱାସିଂଟନ: ଇରାନ ଉପରେ ଆମେରିକା ତାଣ୍ଡବ ଜାରି ରଖିଛି। ଏହାରି ମଧ୍ୟରେ ଡୋନାଲ୍ଡ ଟ୍ରମ୍ପଙ୍କ ପ୍ରତିରକ୍ଷା ସଚିବ ପିଟ୍ ହେଗସେଥ୍ ଗୁରୁବାର କହିଛନ୍ତି ଯେ ଇରାନ ଉପରେ ସବୁଠାରୁ ବଡ଼ ଆକ୍ରମଣ ନିକଟତର ହୋଇଛି। ସେ କହିଛନ୍ତି ଯେ ଆମେରିକୀୟ ସେନା ଏପର୍ଯ୍ୟନ୍ତ ଇରାନରେ ୭,୦୦୦ ରୁ ଅଧିକ ଲକ୍ଷ୍ୟସ୍ଥଳକୁ ଆକ୍ରମଣ କରିଛି ଏବଂ ପୁଣି ଥରେ ସବୁଠାରୁ ବଡ଼ ଆକ୍ରମଣ ଦେଖାଯିବ। ହେଗସେଥ୍ ଜୋର ଦେଇ କହିଛନ୍ତି ଯେ ଚଳିତ ଉପସାଗର ଯୁଦ୍ଧ ଆମେରିକାର ନିୟମ ଅନୁସାରେ ଶେଷ ହେବ। ସେ କହିଛନ୍ତି ଯେ ଆମର କ୍ଷମତା ନିରନ୍ତର ବୃଦ୍ଧି ପାଉଛି, ଯେତେବେଳେ ଇରାନର କ୍ଷମତା ନିରନ୍ତର ଦୁର୍ବଳ ହେଉଛି।
ଗଣମାଧ୍ୟମକୁ ସେ କହିଛନ୍ତି, ଆମେରିକୀୟ ପ୍ରତିରକ୍ଷା ସଚିବ ଦାବି କରିଛନ୍ତି ଯେ ଆକ୍ରମଣ ଇରାନର ବାୟୁ ପ୍ରତିରକ୍ଷା ବ୍ୟବସ୍ଥାକୁ ସମ୍ପୂର୍ଣ୍ଣ ଭାବରେ ନଷ୍ଟ କରିଦେଇଛି। ଖାର୍ଗ ଦ୍ୱୀପରେ ଇରାନ ସାମରିକ ପ୍ରତିଷ୍ଠାନ ଉପରେ ଆକ୍ରମଣ ଇରାନର ଭବିଷ୍ୟତ ଉପରେ ଆମେରିକାକୁ ନିୟନ୍ତ୍ରଣ ଦେଇଛି। ହେଗସେଥ୍ ଏହି ସମାଲୋଚନାକୁ ପ୍ରତ୍ୟାଖ୍ୟାନ କରିଛନ୍ତି ଯେ ଇରାନ ସଂଘର୍ଷ ଏକ ଦୀର୍ଘକାଳୀନ ଯୁଦ୍ଧରେ ପରିଣତ ହେବାର ଆଶଙ୍କା ରହିଛି। ସେ ଅଭିଯୋଗ କରିଛନ୍ତି ଯେ ଗଣମାଧ୍ୟମର କିଛି ଅଂଶ ଏହାକୁ କେବେ ଶେଷ ନହେବା ଯୁଦ୍ଧ କହୁଛନ୍ତି। କିନ୍ତୁ ଏହା ସତ୍ୟଠାରୁ ବହୁତ ଦୂରରେ।