ପାକିସ୍ତାନର ମୁଖା ଖୋଲିଲେ ସାଂସଦ ଅଭିଷେକ ବାନାର୍ଜୀ

ସିଙ୍ଗାପୁର: ଟିଏମସି ସାଂସଦ ଅଭିଷେକ ବାନାର୍ଜୀ ଆତଙ୍କବାଦୀଙ୍କ ଅନ୍ତିମ ସଂସ୍କାରରେ ଯୋଗ ଦେଇଥିବା ପାକିସ୍ତାନୀ ସେନାର ଉଚ୍ଚ ଅଧିକାରୀ ଜେନେରାଲଙ୍କ ଫଟୋ ଉପସ୍ଥାପନ କରି ପାକିସ୍ଥାନର ଆତଙ୍କୀ କାର୍ଯ୍ୟକଳାପ ସମ୍ପର୍କରେ ଅବଗତ କରାଇଛନ୍ତି।ଅପରେସନ ସିନ୍ଦୁରର ସଫଳତା ପରେ ଭାରତର ଆତଙ୍କବାଦ ପ୍ରତି ଶୂନ୍ୟ ସହନଶୀଳତା ନୀତି ସମ୍ପର୍କରେ ବିଶ୍ୱବାସୀଙ୍କୁ ଅବଗତ କରାଇବା ଉଦ୍ଦେଶ୍ୟରେ ସଞ୍ଜୟ କୁମାର ଝାଙ୍କ ନେତୃତ୍ୱରେ ଗଠିତ ସର୍ବଦଳୀୟ ପ୍ରତିନିଧି ଦଳର ସଦସ୍ୟ ସାଂସଦ ଅଭିଷେକ ବାନାର୍ଜୀ ଆତଙ୍କବାଦୀ ଗୋଷ୍ଠୀ ସହିତ ପାକିସ୍ତାନର ସମ୍ପର୍କର ପ୍ରମାଣ ଉନ୍ମୋଚନ କରିଛନ୍ତି।

ସିଙ୍ଗାପୁରରେ ପ୍ରବାସୀ ଭାରତୀୟଙ୍କ ସହ କଥାବାର୍ତ୍ତା କରି ଅଭିଷେକ ବାନାର୍ଜୀ ପ୍ରଶ୍ନ କରିଛନ୍ତି ଯେ ଜଣେ ସାମରିକ ଅଧିକାରୀ କିଭଳି ଆତଙ୍କବାଦୀର ଅନ୍ତିମ ସଂସ୍କାରରେ ଯୋଗ ଦେବେ ଏବଂ ପାକିସ୍ତାନ ସହିତ ଆତଙ୍କବାଦୀ ସମ୍ପର୍କ ସ୍ଥାପନ ପାଇଁ ଆଉ କଣ ପ୍ରମାଣ ଆବଶ୍ୟକ।