ଭଡା ଘରୁ ୭ଟି ସିମ ବକ୍ସ ଜବତ

ଭୁବନେଶ୍ୱର : ଭୁବନେଶ୍ୱରରେ ବଡ଼ ଧରଣର ସାଇବର ଚଢ଼ାଉ । ଏକ ସାଇବର ଠକେଇ ରାକେଟ ଠାବ କରାଯାଇଛି । ଭଡା ଘରୁ ଜବତ ହେଲା ୭ ଟି ବକ୍ସ । ଲକ୍ଷ୍ମୀସାଗର ଥାନା ଅଞ୍ଚଳରେ ଏକ ସନ୍ଦିଗ୍ଧ ଘରୁ ଏହାକୁ ଠାବ କରାଯାଇଛି। ରାକେଟକୁ ଠାବ କରିଛି ଲକ୍ଷ୍ମୀ ସାଗର ଥାନା ପୋଲିସ । ସ୍ପେଶାଲ ସ୍କ୍ବାଡ ଓ ଲକ୍ଷ୍ମୀସାଗର ପୋଲିସର ମିଳିତ ଚଢ଼ାଉରେ ଏହି ବକ୍ସକୁ ଠାବ କରାଯାଇଥିବା ବେଳେ ଜଣଙ୍କୁ ଅଟକ ରଖିଛି ପୋଲିସ। ବିଭିନ୍ନ ଫ୍ରଡ୍‌ କଲ୍‌ ବା ଠକେଇ କାର୍ଯ୍ୟ କରିବାରେ ଏହି ସିମ୍‌ ବକ୍ସ ବ୍ୟବହୃତ ହେଉଥିଲା ବୋଲି ପୋଲିସ ଜାଣିବାକୁ ପାଇଛି । ପୋଲିସ ଏହି ଘଟଣାରେ ଅଧିକ ତଦନ୍ତ ଜାରି ରଖିଛି।