ଯୁବକଙ୍କୁ ହାଣି ହତ୍ୟା ମାମଲା

ଖଲ୍ଲିକୋଟ: ଘରୁ ଡାକି ନେଇ ଯୁବକଙ୍କୁ ହାଣି ହତ୍ୟା ମାମଲା ସାମ୍ନାକୁ ଆସିଛି । ବେଗୁନିଆପଡ଼ା ଥାନା ସୋରଡ଼ାପଲ୍ଲିରେ ଘଟିଛି ଏହି ହତ୍ୟାକାଣ୍ଡ । ମୃତକଙ୍କୁ ବୁଧବାର ସନ୍ଧ୍ୟାରେ ୩ ଜଣ ଯୁବକ ଡାକି ନେଇ ହତ୍ୟା କରିଥିବା ସୂଚନା ମିଳିଛି । ରକ୍ତ ଜୁଡୁବୁଡୁ ଅବସ୍ଥାରେ ଯୁବକଙ୍କ ମୃତଦେହ ରାସ୍ତାରେ ପଡିଥିବା ଦେଖି ଲୋକେ ପୁଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୁଲିସ ପହଞ୍ଚି ପଚରାଉଚରା କରୁଛି । ତେବେ ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ହୋଇଥିବା ଅନୁମାନ କରାଯାଉଥିବାବେଳେ ହତ୍ୟାକାଣ୍ଡର ପ୍ରକୃତ କାରଣ ଜଣାପଡିନି ।