ଆଜିଠୁ ତିନିଦିନିଆ ମିଡିଆ ମହାକୁମ୍ଭ

ଡିଜିଟାଲ୍ ଯୋଗାଯୋଗ ବା ମିଡ଼ିଆ ୫.୦ ଯୁଗ ଉପରେ ମାନସମନ୍ଥନ ପ୍ରାସଙ୍ଗିକ ବିଷୟବସ୍ତୁକୁ ନେଇ ପାଞ୍ଚଗୋଟି ବୈଷୟିକ କର୍ମଶାଳା
୧୫୦ରୁ ଅଧିକ ଗବେଷଣାତ୍ମକ ସନ୍ଦର୍ଭ ଉପସ୍ଥାପନ ଗଣମାଧ୍ୟମ ଶିକ୍ଷା କ୍ଷେତ୍ରରେ ନୂଆ ରୋଡମ୍ୟାପ ପ୍ରସ୍ତୁତ ହେବ

ଭୁବନେଶ୍ୱର20-11-2025 : ଓଡ଼ିଶାର ଅଗ୍ରଣୀ ଗଣମାଧ୍ୟମ ପ୍ରଶିକ୍ଷଣ ସଂସ୍ଥା ଇନଷ୍ଟିଚ୍ୟୁଟ୍ ଅଫ୍ ମିଡିଆ ଷ୍ଟଡିଜ୍ (ଆଇଏମ୍ଏସ୍) ଆନୁକୁଲ୍ୟରେ ଏବଂ କିଟ୍‌ ବିଶ୍ୱବିଦ୍ୟାଳୟ ଓ ଓଡ଼ିଶା ସରକାରଙ୍କ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ବିଭାଗ ଅଧିନ ଓଡ଼ିଶା କମ୍ପ୍ୟୁଟର ପ୍ରୟୋଗ କେନ୍ଦ୍ର ସହଭାଗିତାରେ ଶୁକ୍ରବାର (ନଭେମ୍ବର ୨୧)ରୁ ନବମ ଜାତୀୟ ଗଣମାଧ୍ୟମ ସମ୍ମିଳନୀ-୨୦୨୫ର ଅନୁଷ୍ଠିତ ହେଉଅଛି। ତିନିଦିନ ଧରି ଚାଲିବାକୁ ଥିବା ଏହି କନକ୍ଲେଭର ମୁଖ୍ୟ ବିଷୟବସ୍ତୁ ହେଉଛି ‘ମିଡ଼ିଆ ୫.୦: ଡିଜିଟାଲ୍ ଯୋଗାଯୋଗ’ |
ପୂର୍ବ ବର୍ଷଗୁଡ଼ିକ ଭଳି ଚଳିତ ବର୍ଷ ମଧ୍ୟ ଏହି କନକ୍ଲେଭରେ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ଡକ୍ଟର ହରେକୃଷ୍ଣ ମହତାବଙ୍କ ଜୟନ୍ତୀ ପାଳନ କରାଯିବା ସହ ସାମ୍ବାଦିକତା କ୍ଷେତ୍ରରେ ତାଙ୍କର ଅବଦାନକୁ ସ୍ମରଣ କରାଯିବ। ଭୁବନେଶ୍ୱର ସ୍ଥିତ କିଟ୍ ବିଶ୍ବବିଦ୍ୟାଳୟର କିମ୍ସ ଅଡିଟୋରିୟମରେ ଏହି ତିନି ଦିନିଆ ମିଡିଆ ମହାକୁମ୍ଭ ଆରମ୍ଭ ହେବ। ଏହି ବାର୍ଷିକ କନକ୍ଲେଭରେ ଯାହା ଭାରତର ସବୁଠାରୁ ବଡ ମିଡିଆ ମହାକୁମ୍ଭ ଭାବେ ପରିଚିତ, ଦେଶର ଶୀର୍ଷ ଗଣମାଧ୍ୟମର ବିଶିଷ୍ଟ ବ୍ୟକ୍ତିବିଶେଷ, ଶିକ୍ଷାବିତ୍, ନୀତି ନିର୍ଦ୍ଧାରକ, ଏବଂ ଯୋଗାଯୋଗ ବିଶେଷଜ୍ଞ ମାନେ ବିଚାରର ଆଦାନପ୍ରଦାନ କରିବେ ଏବଂ ଗଣମାଧ୍ୟମ ଏବଂ ଯୋଗାଯୋଗ କ୍ଷେତ୍ରରେ ଏକ ରୋଡମ୍ୟାପ ପ୍ରସ୍ତୁତ କରିବେ ବୋଲି ସମ୍ମିଳନୀର ଅଧ୍ୟକ୍ଷ ତଥା ଆଇ.ଏମ.ଏସ.ର ନିର୍ଦ୍ଦେଶକ ପ୍ରଫେସର ଉପେନ୍ଦ୍ର ପାଢ଼ୀ କହିଛନ୍ତି |
ଏହି କନକ୍ଲେଭରେ ଗଣମାଧ୍ୟମ ଶିକ୍ଷା କ୍ଷେତ୍ରରେ ବିଶେଷ ଅବଦାନ ଥିବା ସ୍ୱର୍ଗତ ପ୍ରଫେସର ସୁନିଲକାନ୍ତ ବେହେରାଙ୍କ ସ୍ମୃତି ଚାରଣ କରାଯିବ। ‘କୁତ୍ରିମ ବୁଦ୍ଧିମତ୍ତା, ଡିପଫେକ୍ ଏବଂ ବିଶ୍ୱସନୀୟତା ସଙ୍କଟ’; ‘ମିଡିଆ ଫୋରେନସିକ୍ସ ଏବଂ ସିନ୍ଥେଟିକ୍ ମିଡିଆ: ଏହାର ପ୍ରଭାବ’; ‘ଡିଜିଟାଲ୍ ବର୍ଣ୍ଣନା, ସାଇବର ସୁରକ୍ଷା ଏବଂ ମିଡିଆ ନୀତିଶାସ୍ତ୍ର’; ‘ଡିଜିଟାଲ୍ କ୍ଷେତ୍ରରେ ଡାଟା ଗୋପନୀୟତା: ସମସ୍ୟା ଏବଂ ଚିନ୍ତା’; ଓ ‘ଡିଜିଟାଲ୍ ଗେଟକିପିଂରେ ବିଶ୍ୱାସ ଏବଂ ମୋଡ଼’ ଆଦି ପାଞ୍ଚଗୋଟି ବୈଷୟିକ କର୍ମଶାଳା ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି | ଏଥିରେ ଅନେକ ବିଶେଷଜ୍ଞ ଯୋଗଦେଇ ନିଜର ମତାମତ ରଖିବେ |
ଏହି କନକ୍ଲେଭରେ ଗଣମାଧ୍ୟମ ଶିକ୍ଷା କ୍ଷେତ୍ରରେ ବିଶେଷ ଅବଦାନ ଥିବା ସ୍ୱର୍ଗତ ପ୍ରଫେସର ସୁନିଲକାନ୍ତ ବେହେରା ଙ୍କ ସ୍ମୃତି ଚାରଣ କରାଯିବ। ଏଥିରେ ପ୍ରଫେସର୍ ଭି.ଏଲ. ଧାରୁରକର ତୃତୀୟ ମେମୋରିଆଲ ଅଭିଭାଷଣ ପ୍ରଦାନ କରିବେ| ଏହା ବ୍ୟତୀତ, ଦେଶର ବିଭିନ୍ନ କୋଣ ଅନୁକୋଣରୁ ଆସିଥିବା ପ୍ରାୟ ୧୫୦ ଜଣ ମିଡିଆ ପ୍ରାକ୍ଟିସନର, ଶିକ୍ଷାବିତ ଏବଂ ଛାତ୍ରଛାତ୍ରୀ ଗଣମାଧ୍ୟମ ଓ ଯୋଗାଯୋଗ ସମ୍ବନ୍ଧୀୟ ବିଭିନ୍ନ ବିଷୟବସ୍ତୁ ଉପରେ ଗବେଷଣାତ୍ମକ ସନ୍ଦର୍ଭ ଉପସ୍ଥାପନ କରିବାର କାର୍ଯ୍ୟକ୍ରମ ରହିଛି |