ପ୍ରେମିକାର ଅନ୍ୟତ୍ର ବିବାହ ଖବର ଶୁଣି ସହିପାରିଲେନି ବଡି ବିଲ୍ଡର ପ୍ରେମିକ।

ବେଙ୍ଗାଲୁରୁ,୮।୨: ପ୍ରେମିକାର ଅନ୍ୟତ୍ର ବିବାହ ଖବର ଶୁଣି ସହିପାରିଲେନି ବଡି ବିଲ୍ଡର ପ୍ରେମିକ। ମାତ୍ର ୨୬ ବର୍ଷ ବୟସରେ କରିଦେଲେ ଆତ୍ମହତ୍ୟା। ମୃତ ଯୁବକଙ୍କ ନାମ କିରଣ ଏବଂ ବୃତ୍ତିରେ ସେ ଜଣେ ଜିମ୍ ଟ୍ରେନର୍ ଥିଲେ।

ସୂଚନା ଅନୁଯାୟୀ, କିରଣ ଗତ ୩ ବର୍ଷ ଧରି ଜଣେ ଯୁବତୀଙ୍କ ସହ ପ୍ରେମ ସମ୍ପର୍କରେ ଥିଲେ। ଶନିବାର କିରଣ ତାଙ୍କ ପ୍ରେମିକାଙ୍କୁ ଭେଟିଥିବା ବେଳେ, ଯୁବତୀଜଣକ ତାଙ୍କର ଅନ୍ୟ ଜଣେ ପୁରୁଷଙ୍କ ସହ ନିର୍ବନ୍ଧ ସରିଥିବା କଥା ଜଣାଇଥିଲେ। ଏହି ଖବର ଶୁଣିବା ପରେ କିରଣ ଅତ୍ୟନ୍ତ ମର୍ମାହତ ହୋଇ ପଡ଼ିଥିଲେ।

ପ୍ରେମିକାଙ୍କ ପାଖରୁ ଫେରିବା ପରେ କିରଣ ବିଚଳିତ ହୋଇଯାଇଥିଲେ। ନିଜକୁ ଘରର ଏକ ରୁମ୍‌ରେ ବନ୍ଦ କରିଦେଇଥିଲେ। ବହୁ ସମୟ ପର୍ଯ୍ୟନ୍ତ ସେ ରୁମ୍‌ରୁ ବାହାରି ନଥିଲେ। ସନ୍ଦେହ ହେବାରୁ ପରିବାର ଲୋକେ କବାଟ ଭାଙ୍ଗି ଭିତରକୁ କବାଟ ଭାଙ୍ଗି ପଶିଥିଲେ। ସେଠାରେ କିରଣଙ୍କ ଝୁଲନ୍ତା ଶବ ଦେଖିବାକୁ ପାଇଥିଲେ।

ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି। କିରଣଙ୍କ ରୁମ୍‌ରୁ ଏକ ସୁଇସାଇଡ୍ ନୋଟ୍ ମଧ୍ୟ ଜବତ କରାଯାଇଛି। ପୋଲିସ ଏହି ଆତ୍ମହତ୍ୟା ପଛର ବିଭିନ୍ନ ଦିଗକୁ ନେଇ ଅଧିକ ତଦନ୍ତ ଜାରି ରଖିଛି।