ଲାଗୁ ହେଲା ନୂଆ ପେନସନ ନିୟମ

ନୂଆଦିଲ୍ଲୀ: ଯଦି ଆପଣ ସରକାରୀ ଚାକିରି କରନ୍ତି, ତେବେ ଏହି ଖବର ଆପଣଙ୍କ ପାଇଁ ଉପଯୋଗୀ, କାରଣ କେନ୍ଦ୍ର ସରକାରଙ୍କ ୟୁନିଫାଏଡ ପେନସନ ଯୋଜନା (UPS) ୧ ଏପ୍ରିଲରୁ ଲାଗୁ ହୋଇଛି। କିନ୍ତୁ ପ୍ରଶ୍ନ ହେଉଛି ଏହି ପେନସନର ଲାଭ କିଏ ପାଇବେ ଏବଂ ସେମାନେ କେତେ ପାଇବେ। ଆସନ୍ତୁ ଜାଣିବା…
ଏହା ଜାତୀୟ ପେନସନ ବ୍ୟବସ୍ଥା ଅଧୀନରେ କେନ୍ଦ୍ର ସରକାରଙ୍କ ଦ୍ୱାରା ପ୍ରଚଳିତ ଏକ ପାଣ୍ଠି-ଆଧାରିତ ପେନସନ ଯୋଜନା। ଏହାର ଲକ୍ଷ୍ୟ ହେଉଛି ସରକାରୀ କର୍ମଚାରୀମାନଙ୍କୁ ଏକ ନିଶ୍ଚିତ ପେନସନ ପ୍ରଦାନ କରିବା। ସରକାରୀ କର୍ମଚାରୀଙ୍କ ଆର୍ଥିକ ସୁରକ୍ଷା ପାଇଁ ୟୁନିଫାଏଡ ପେନସନ ଯୋଜନା ପ୍ରଣୟନ କରାଯାଇଛି। ଏଥିରେ, ଅବସର ପରେ, ଆପଣଙ୍କୁ ଗ୍ୟାରେଣ୍ଟି ପେନସନ, ପରିବାର ପେନସନ ଏବଂ ସର୍ବନିମ୍ନ ପେନସନ ଭଳି ଲାଭ ମିଳିବ।
କର୍ମଚାରୀମାନଙ୍କୁ ସେମାନଙ୍କର ମୂଳ ଦରମା ଏବଂ ମହଙ୍ଗା ଭତ୍ତାର 10 ପ୍ରତିଶତ ଦେବାକୁ ପଡିବ। ଏହା ସହିତ ସରକାର ମଧ୍ୟ ଏଥିରେ ଯୋଗଦାନ ଦେବେ। ଯାହା ଏକ ସ୍ଥିର ଅବସର ପାଣ୍ଠି ସୃଷ୍ଟି କରିବ। ଏଥିରେ, ସର୍ବନିମ୍ନ ମାସିକ ୧୦ ହଜାର ଟଙ୍କା ପେନସନ ସୁନିଶ୍ଚିତ କରାଯିବ। ଏହି ଯୋଜନା ଅନୁଯାୟୀ, କର୍ମଚାରୀମାନେ ଅବସର ଗ୍ରହଣ ସମୟରେ ଏକକାଳୀନ ରାଶି ପାଇବେ।
ଯାହା ଶେଷ ମୂଳ ଦରମା ଏବଂ DA ର 10 ପ୍ରତିଶତ ହେବ। ଯଦି ଜଣେ କର୍ମଚାରୀ 25 ବର୍ଷ କାମ କରିବା ପରେ ସ୍ବେଚ୍ଛାକୃତ ଅବସର (VRS) ନିଅନ୍ତି, ତେବେ ସେ ତାଙ୍କର ସାଧାରଣ ଅବସର ବୟସ ପୂରଣ କରିବା ପରେ ହିଁ ପେନସନ ପାଇବେ। ଯଦି କର୍ମଚାରୀଙ୍କ ମୃତ୍ୟୁ ହୁଏ, ତେବେ ତାଙ୍କ ସ୍ତ୍ରୀ/ସ୍ବାମୀଙ୍କୁ ପେନସନର 60% ମିଳିବ। ଉଦାହରଣ ଦେବାକୁ ଗଲେ, ଯଦି ଜଣେ କର୍ମଚାରୀ 10,000 ଟଙ୍କା ପେନସନ ପାଉଥିଲେ, ତେବେ ତାଙ୍କ ପରିବାରକୁ ମାସିକ 6,000 ଟଙ୍କା ପେନସନ ମିଳିବ।
ଯଦି ଆପଣଙ୍କ ଚାକିରି ଅବଧି 10 ବର୍ଷରୁ କମ ତେବେ ଆପଣଙ୍କୁ UPSର ସୁବିଧା ମିଳିବ ନାହିଁ। ଯଦି ଆପଣଙ୍କୁ ଚାକିରିରୁ ବହିଷ୍କାର କିମ୍ବା ଅପସାରିତ କରାଯାଇଛି, ତେବେ ଆପଣ ଏହି ଯୋଜନା ପାଇଁ ଯୋଗ୍ୟ ହେବେ ନାହିଁ। ସେହିପରି ଆପଣ ଯଦି ଚାକିରି ଛାଡି ଦେଇଛନ୍ତି ତେବେ UPS ର ସୁବିଧା ପାଇବେ ନାହିଁ।