ପାହାଡ଼ଖୋଲରେ ଗାଧୋଇବାକୁ ଆସି ବୁଡ଼ି ଯାଇଛନ୍ତି ୨ ଜଣ ସ୍ଥାନୀୟ ଯୁବକ

କାଳିଆପାଣି : ଜୀବନ ଅମୂଲ୍ୟ। ଏହି ଅମୂଲ୍ୟ ସଂପତ୍ତିକୁ ପ୍ରତି ମୁହୂର୍ତ୍ତରେ ଯତ୍ନ ନେବାର ଆବଶ୍ୟକତା ଅଛି। ସାମାନ୍ୟ ଅଣଦେଖା କଲେ, କେତେବେଳେ ଯେ, କ’ଣ ହେବ, ତାହା କହିହେବ ନାହିଁ। ଯାଜପୁରଜିଲ୍ଲା ସୁକିନ୍ଦା ଥାନା ବନ୍ଧଗାଁ ଓ ଲେମ୍ବୋ ପଞ୍ଚାୟତ କୋଇଲ ଗାଁ ପାଖ ପାହାଡ଼ଖୋଲରେ ଗାଧୋଇବାକୁ ଆସି ବୁଡ଼ି ଯାଇଛନ୍ତି ୨ ଜଣ ସ୍ଥାନୀୟ ଯୁବକ। ସେମାନଙ୍କ ମଧ୍ୟରୁ ଜଣଙ୍କର ମୃତଦେହ ଉଦ୍ଧାର ହୋଇଥିବା ବେଳେ ଅନ୍ୟ ଜଣେ ଯୁବ ଇଞ୍ଜିନିୟର ନିଖୋଜ ଅଛନ୍ତି। ମୃତକ ଜଣକ ଲେମ୍ବୋ କାଞ୍ଜିଆପାଳ ଗାଁର କ୍ଷୁଦ୍ରଚାଷୀ ପୁନିଆଁ ପ୍ରଧାନଙ୍କ ପୁଅ ଶମ୍ଭୁ ପ୍ରଧାନ(୨୨)। ୬ ଘଣ୍ଟା ଧରି ସେହି ସ୍ଥାନରୁ ନିଖୋଜ ଥିବା ଯୁବକ ଜଣକ ବନ୍ଧଗାଁ କୋଇଲ ଗାଁର ଇଂ ମାନସ ମହାନ୍ତ।