କେନ୍ଦ୍ର ସରକାରୀ କର୍ମଚାରୀ ଏବଂ ପେନସନ ଉପଭୋଗୀଙ୍କ ପାଇଁ ସରକାରଙ୍କ ଭେଟି

ନୂଆଦିଲ୍ଲୀ : କେନ୍ଦ୍ର ସରକାରୀ କର୍ମଚାରୀ ଏବଂ ପେନସନ ଉପଭୋଗୀଙ୍କ ପାଇଁ ସରକାରଙ୍କ ଭେଟି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଶନିବାର ଅନୁଷ୍ଠିତ କ୍ୟାବିନେଟ୍ ବୈଠକ ଲକ୍ଷ ଲକ୍ଷ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଖୁସି ଖବର ଆସିଛି। ସରକାର ମହଙ୍ଗା ଭତ୍ତା (ଡିଏ ) ଏବଂ ମହଙ୍ଗା ରିଲିଫ୍ ( ଡିଆର) ରେ ୨% ବୃଦ୍ଧିକୁ ଆନୁଷ୍ଠାନିକ ଭାବରେ ଅନୁମୋଦନ କରିଛନ୍ତି। ଏହି ନିଷ୍ପତ୍ତି ଫଳରେ କର୍ମଚାରୀଙ୍କ ମାସିକ ଦରମା ଏବଂ ଅବସରପ୍ରାପ୍ତ କର୍ମଚାରୀଙ୍କ ପେନସନରେ ଯଥେଷ୍ଟ ବୃଦ୍ଧି ହେବ।
କେନ୍ଦ୍ର ସରକାର ସାଧାରଣତଃ ବର୍ଷକୁ ଦୁଇଥର ଡିଏ ଜାନୁଆରୀ ଏବଂ ଜୁଲାଇରେ ସମୀକ୍ଷା କରନ୍ତି। ଏହି ବୃଦ୍ଧି ଶିଳ୍ପ ଶ୍ରମିକଙ୍କ ପାଇଁ ଉପଭୋକ୍ତା ମୂଲ୍ୟ ସୂଚକାଙ୍କ ଉପରେ ଆଧାର କରି ନିର୍ଣ୍ଣୟ କରାଯାଏ। କେନ୍ଦ୍ର ସରକାରୀ କର୍ମଚାରୀ ସଂଗଠନ ଏହି ଘୋଷଣାରେ ବିଳମ୍ବ ସମ୍ପର୍କରେ ଚିନ୍ତା ପ୍ରକାଶ କରିଥିଲେ। ଯଦିଓ ଘୋଷଣା ସାଧାରଣତଃ ସେପ୍ଟେମ୍ବର ଶେଷ ସୁଦ୍ଧା କରାଯାଇଥାଏ, କିନ୍ତୁ ଏଥର ଏହା ଏପ୍ରିଲରେ କରାଯାଇଥିବାରୁ କର୍ମଚାରୀମାନେ ବକେୟା ସହିତ ସେମାନଙ୍କର ଦେୟ ପାଇବା ଆଶା କରିପାରିବେ।