ଏସବିଆଇକୁ ନେଇ ବଡ଼ ଖବର

ନୂଆଦିଲ୍ଲୀ: ଏସବିଆଇକୁ ନେଇ ବଡ଼ ଖବର। ସେପ୍ଟେମ୍ବର ପହିଲାରୁ ବଦଳିବ ଏହି ବଡ଼ ନିୟମ। ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ (ଏସବିଆଇ) କାର୍ଡ ତା’ର କ୍ରେଡିଟ କାର୍ଡ ରିଓାର୍ଡ ପ୍ରୋଗ୍ରାମରେ ଏକ ବଡ଼ ପରିବର୍ତ୍ତନ ଆଣିଛି। ୨୦୨୫ ସେପ୍ଟେମ୍ବର ୧ ତାରିଖରୁ କାର୍ଯ୍ୟକାରୀ ହେବାକୁ ଥିବା ଏହି ନୂଆ ନିୟମ ଅନୁଯାୟୀ, କେତେକ ର୍ନିଦ୍ଦିଷ୍ଟ ଏସବିଆଇ କ୍ରେଡିଟ କାର୍ଡ ଧାରୀ ଡିଜିଟାଲ ଗେମିଂ ପ୍ଲାଟଫର୍ମ ଏବଂ ସରକାରୀ ଲେଣଦେଣରେ ରିଓାର୍ଡ ପଏଣ୍ଟ ପାଇବେ ନାହିଁ। ଏହି ପରିବର୍ତ୍ତନ ଲାଇଫଷ୍ଟାଇଲ ହୋମ ସେଣ୍ଟର ଏସବିଆଇ କାର୍ଡ, ଲାଇଫଷ୍ଟାଇଲ ହୋମ ସେଣ୍ଟର ଏସବିଆଇ କାର୍ଡ ସିଲେକ୍ଟ ଏବଂ ଲାଇଫଷ୍ଟାଇଲ ହୋମ ସେଣ୍ଟର ଏସବିଆଇ କାର୍ଡ ପ୍ରାଇମ ଉପରେ ପ୍ରଭାବ ପକାଇବ।

ଏସବିଆଇ କାର୍ଡ ଓ୍ବେବସାଇଟ ଅନୁଯାୟୀ, ୨୦୨୫ ସେପ୍ଟେମ୍ବର ୧ରୁ, ଡିଜିଟାଲ ଗେମିଂ ପ୍ଲାଟଫର୍ମ/ମର୍ଚାଣ୍ଟ ଏବଂ ସରକାରୀ ଲେଣଦେଣରେ ରିଓାର୍ଡ ପଏଣ୍ଟ ପ୍ରଦାନ ବନ୍ଦ ହେବ। ଏହା ଅର୍ଥ ଗ୍ରାହକମାନେ ଅନଲାଇନ ଗେମିଂ କ୍ରେଡିଟ କିମ୍ବା ସରକାରୀ ପୋର୍ଟାଲରେ ପେମେଣ୍ଟ ପାଇଁ ରିଓାର୍ଡ ପଏଣ୍ଟ ପାଇବେ ନାହିଁ। ଏହା ପୂର୍ବରୁ ଡିସେମ୍ବର ୨୦୨୪ରେ ମଧ୍ୟ ଏସବିଆଇ କାର୍ଡ କେତେକ କ୍ରେଡିଟ କାର୍ଡ ପାଇଁ ଏହିପରି ପରିବର୍ତ୍ତନ କରିଥିଲା।

ଏହା ସହିତ, ରିଓାର୍ଡ ପଏଣ୍ଟ ରିଡିମ କରିବା ପାଇଁ ଗ୍ରାହକଙ୍କୁ ୯୯ ଟଙ୍କା ରିଡେମ୍ପସନ ଫି’ ସହ ଅତିରିକ୍ତ ଟିକସ ଦେବାକୁ ପଡିବ ଯାହା ଫିଜିକାଲ ପ୍ରୋଡକ୍ଟ ରିଡେମ୍ପସନ ଏବଂ ଷ୍ଟେଟମେଣ୍ଟ କ୍ରେଡିଟ ପାଇଁ ପ୍ରକ୍ରିୟାକରଣ ଓ ଡେଲିଭରି ଖର୍ଚ୍ଚ ପାଇଁ ଲାଗୁ ହେବ। ଗ୍ରାହକମାନେ ତାଙ୍କର ପୂର୍ବ ରିଓାର୍ଡ ପଏଣ୍ଟକୁ ରିଡିମ କରିବା ପାଇଁ ବିଦ୍ୟମାନ ଏସବିଆଇ କାର୍ଡ ଲଗଇନ ବିବରଣୀ ବ୍ୟବହାର କରିପାରିବେ, ଏଥିପାଇଁ ନୂଆ ରେଜିଷ୍ଟ୍ରେସନର ଆବଶ୍ୟକତା ନାହିଁ।

ଏହା ବ୍ୟତୀତ, ଏସବିଆଇ କାର୍ଡ ଗ୍ରାହକମାନେ ରିଓାର୍ଡ ପଏଣ୍ଟ ବ୍ୟବହାର କରି ତାଙ୍କର ବକେୟା ରାଶି ପରିଶୋଧ କରିପାରିବେ, କିନ୍ତୁ ଏହା ୨୦୦୦ର ଗୁଣାଙ୍କରେ ହିଁ ସମ୍ଭବ। ତେବେ, ଏକ କାର୍ଡରୁ ଅନ୍ୟ କାର୍ଡକୁ ରିଓାର୍ଡ ପଏଣ୍ଟ ଟ୍ରାନ୍ସଫର କିମ୍ବା ଏକତ୍ର କରିବାର ସୁବିଧା ନାହିଁ।