ପୁଣି ଚର୍ଚ୍ଚାରେ ଭରତପୁର

ଭୁବନେଶ୍ୱର : ପୁଣି ଚର୍ଚ୍ଚାରେ ଭରତପୁର । ଭରତପୁର ଥାନା ପଣ୍ଡାକୁଦିଆ ଅଞ୍ଚଳରୁ ଶୁକ୍ରବାର ସନ୍ଦେହଜନକ ଅବସ୍ଥାରେ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକଙ୍କ ଘର ସୁଜପପୁର ଅଞ୍ଚଳର ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ଗତକାଲି ସେ ଶ୍ୱଶୁର ଘରକୁ ଆସିଥିଲେ । ପରେ ତାଙ୍କର ଝୁଲନ୍ତା ମୃତଦେହ ଉଦ୍ଧାର ହେବା ପରେ ହଇଚଇ ସୃଷ୍ଟି ହୋଇଛି । ଯୁବକଙ୍କୁ ମାରି ଟାଙ୍ଗି ଦେଇଥିବା ତାଙ୍କ ପତ୍ନୀ ଅଭିଯୋଗ କରିଛନ୍ତି । ଏହାସହ ପୁଲିସ ନିଜ ଇଚ୍ଛା ଅନୁସାରେ ଏଫଆଇଆର୍‌ ଲେଖିବାକୁ କହିଥିବା ମଧ୍ୟ ତାଙ୍କ ପତ୍ନୀ ଅଭିଯୋଗ ଆଣିଛନ୍ତି । ପୁଲିସ ଘଟଣାର ତଦନ୍ତ ଆରମ୍ଭ କରିଛି ।