ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ସହକାରୀ ନିର୍ବାହୀ ଯନ୍ତ୍ରୀ ଏନ୍.ଦିଲ୍ଲୀପ ଚୌଧୁରୀ
1 min read
ଭୁବନେଶ୍ୱର : ଭିଜିଲାନ୍ସ ଜାଲରେ ଫସିଲେ ବ୍ରହ୍ମପୁର ଆର୍ ଆଣ୍ଡ ବିର ସହକାରୀ ନିର୍ବାହୀ ଯନ୍ତ୍ରୀ। ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ସହକାରୀ ନିର୍ବାହୀ ଯନ୍ତ୍ରୀ ଏନ୍.ଦିଲ୍ଲୀପ ଚୌଧୁରୀଙ୍କ ଘରେ ଶନିବାର ଭିଜିଲାନ୍ସ ଟିମ୍ ଚଢାଉ କରିଛି। ବ୍ରହ୍ମପୁର ଓ ଭୁବନେଶ୍ୱର ସମତେ ଏକକାଳୀନ ୪ଟି ସ୍ଥାନରେ ଭିଜିଲାନ୍ସ ଟିମ୍ ଚଢାଉ ଜାରି ରଖିଛି ।
ବ୍ରହ୍ମପୁର ରାସ୍ତା ଓ କୋଠାବାଡ଼ି ଡିଭିଜନ ସହକାରୀ ନିର୍ବାହୀ ଯନ୍ତ୍ରୀ ଏନ୍.ଦିଲ୍ଲୀପ ଚୌଧୁରୀଙ୍କ କାର୍ଯ୍ୟାଳୟ ଓ ଘରେ ଭିଜିଲାନ୍ସ ଚଢଉ ହୋଇଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଜି ସକାଳୁ ଭିଜିଲାନ୍ସର ୪ଟି ଦଳ ବ୍ରହ୍ମପୁର ଓ ଭୁବନେଶ୍ବରର ବିଭିନ୍ନ ସ୍ଥାନରେ ଯାଞ୍ଚ କରୁଛନ୍ତି। ବ୍ରହ୍ମପୁର ଗିରିରୋଡଠାରେ ଥିବା ରାସ୍ତା ଓ କୋଠାବାଡ଼ି ଡିଭିଜନ-୧ କାର୍ଯ୍ୟାଳୟ ପରିସରରେ ଥିବା ଯନ୍ତ୍ରୀଙ୍କ ସରକାରୀ ପ୍ରକୋଷ୍ଠ ସମେତ ଧର୍ମନଗର ଠାରେ ଥିବା ସ୍ପେକ୍ଟ୍ରମ୍ ରୟାଲ ଆପର୍ଟମେଣ୍ଟ ଫ୍ଲାଟ୍, ମୟୂରୀ ବିହାର ସ୍ଥିତ ୨ ମହଲା କୋଠା, ଭୁବନେଶ୍ୱର ସହିଦ ନଗରରେ ଥିବା ଏକ ଆପର୍ଟମେଣ୍ଟ ର ଦାମୀ ଫ୍ଲାଟରେ ଭିଜିଲାନ୍ସ ଟିମ୍ ତଦନ୍ତ ଚଳାଇଛନ୍ତି।
