ପାଠ ପଢ଼ୁଥିବା ବେଳେ ଭୁଶୁଡ଼ି ପଡ଼ିଲା ଛାତ
1 min read
ରାଜସ୍ଥାନ: ପାଠ ପଢ଼ୁଥିବା ବେଳେ ଭୁଶୁଡ଼ି ପଡ଼ିଲା ଛାତ। ଚାଲିଗଲା ୪ ଛାତ୍ରଙ୍କ ଜୀବନ। ରାଜସ୍ଥାନର ଝଲାଓ୍ବର ଜିଲା ପିପଲଡ ଗ୍ରାମରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶୁକ୍ରବାର ସକାଳେ ଏଭଳି ଅଭାବନୀୟ ଘଟଣା ଘଟିଛି। ଏହି ଦୁର୍ଘଟଣାରେ ଅନ୍ୟ ୧୩ ଜଣ ଛାତ୍ର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି।
ସକାଳ ପ୍ରାୟ ୭ଟା ୪୫ ମିନିଟରେ ପ୍ରାର୍ଥନା ପାଇଁ ଛାତ୍ରଛାତ୍ରୀମାନେ ଏକାଠି ହୋଇଥିଲେ। କିନ୍ତୁ ୬ଷ୍ଠ ଏବଂ ୭ମ ଶ୍ରେଣୀର ୧୭ ଛାତ୍ରଛାତ୍ରୀ ଶ୍ରେଣୀଗୃହରେ ଥିଲେ। ଏହି ସମୟରେ ଛାତ ଭୁଶୁଡ଼ି ପଡ଼ିଥିଲା ବୋଲି ଡାଙ୍ଗିପୁରା ଥାନା ଏସଏଚଓ ବିଜେନ୍ଦ୍ର ସିଂହ କହିଛନ୍ତି।
ଏହି ଘଟଣାରେ ୪ ଛାତ୍ରଙ୍କ ମୃତ୍ୟୁ ଘଟିଥିବା ସର୍କଲ ଇନ୍ସପେକ୍ଟର ନନ୍ଦକିଶୋର ସୂଚନା ଦେଇଛନ୍ତି। ଆହତଙ୍କ ମଧ୍ୟରୁ ଗୁରୁତର ଥିବା ୨ ଛାତ୍ରଙ୍କୁ ଉନ୍ନତ ଚିକିତ୍ସା ପାଇଁ ଝଲାଓ୍ବରରୁ ଅନ୍ୟତ୍ର ସ୍ଥାନାନ୍ତର କରାଯାଇଥିବା ସେ କହିଛନ୍ତି।
